Баспасөз баяндары

Отандастарымыздың басым бөлігі Қазақстанда атом электр станцияларының салынуына қарсы

22.09.2014 10:00

MediaNet  Халықаралық журналистика орталығы жанындағы «DEMOSCOPE» қоғамдық пікірге экспресс-мониторинг жүргізу бюросы Қазақстан азаматтарының ядролық қауіпсіздік жайлы көзқарастарын анықтау мақсатында сауалнама жүргізді.

Сауалнамаға Астана, Алматы қалалары мен Қазақстанның 14 облыс орталығынан барлығы 1872 адам қатысты. Сұрақтарға 16 жастан жоғары 73% әйелдер мен 27% ер азаматтар жауап берді.

Сұрақ қою әдісі – телефон арқылы жүргізілген сұхбат және онлайн-сауалнама.

Сауалнама 2014 жылы 08-17 қыркүйек аралығында жүргізілді.

Сауалнама мәліметтерін demos.kz гиперсілтесін көрсету арқылы пайдалануға рұқсат етіледі.

 

Сауалнамаға қатысқан қазақстандықтардың жартысынан көп бөлігі (58%) үкіметтің Қазақстанда атом электр станцияларын салу жоспарына қарсы. 29%-ң елімізде ядролық технологияларды дамыту үшін жасалынып жатқан іс-әрекеттерге қарсылығы жоқ. Ал, қалған 13%-ы бұл мәселе бойынша нақты пікір айтуға дайын емес.

Респонденттердің 91%-ы Қазақстанда немесе әлемде ядролық сынақтан зардап шеккен азаматтарға қоғам тарапынан ерекше көңіл бөлінуі керек деп есептейді. Ал, 4%-ы бұл пікірге қарсы, 5%-ы бұл тақырыпқа қызықпаймын деп жауап берді.

Сауалнамаға қатысушылардың 87%-ы Қазақстанда «Жасыл экономика» тұжырымдамасының жүзеге асуын қолдайды. Нәтижесінде қоршаған ортаға келер қауіп-қатер азаяды, адамдардың әл-ауқаты артады, әлеуметтік әділдік орнайды деп сенеді. Бұл стратегияға қарсылық білдірген респонденттер 5%. Ал, қалған 8%-ы бұл мәселеге қызықпайды.

Зерттеу нәтижесі бойынша, қазақстандықтардың көп бөлігі атом электр станцияларының жұмысын тоқтатуды дұрыс деп естептейтейді деген қорытынды жасауға болады. Сауалнамаға қатысушылардың 70%-ы 2011 жылы атом АЭС жұмысын тоқтату туралы шешім шығарып, 2022 жылға қарай ядролық энергиядан толықтай бас тартамыз деген Германияның шешімін қолдайды. Ал, 14%-ы дұрыс емес деп ойлайды. Ал, 16%-н бұл мәселе алаңдатпайды.

 

Жоба жайлы:

DEMOSCOPE өзекті мәселелер бойынша Қазақстан азаматтарының ой-пікірін жедел анықтауға бағытталған жоба. Сауалнамалар тұрақты түрде, 7-15 күн аралығында, телефон арқылы (Қазақстан Республикасының халқы көп шоғырланған аймақтарында) және Интернетте жүргізіледі. Сауалнама тақырыптары  БАҚ пен әлеуметтік желілерге жасалатын мониторинг қорытындысы негізінде таңдалады.

Сонымен қатар, demos.kz  сайтында кез-келген интернет қолданушы сауалнама тақырыбын ұсына алады. DEMOSCOPE ой-пікірді анықтауға арналған құрал ғана емес, халықтың өзекті мәселелер бойынша көзқарасын білдіруіне жасалған қарапайым мүмкіндік.

Сауалнама нәтижесі баспасөз баяны және инфографика түрінде demos.kz сайтында жарияланады және 1-2 күн ішінде БАҚ редакцияларына жолданады. Жоба Конрад Аденауэр атындағы қордың демеушілігімен жүзеге асырылады.

Сауалнама қорытындысы Конрад Аденауэр атындағы қордың және «MediaNet» Халықаралық журналистика орталығының жеке пікірін білдірмейді. Тек сауалнамаға қатысқан барлық Қазақстан азаматтарының көзқарасын жариялайды.       

 

Қосымша ақпарат үшін:

Дильнара Джалилова, jalilova.dilnara@gmail.com,  +7 (727) 272 45 33

Сәния Әбдіғапар, abdigapar.sanyia@gmail.com,  +7 (727) 261 66 69

Айгерим Сакенова, ai.sakenova@gmail.com, +7 (727) 261 66 69

 

 

 

Серіктестер